Асанж: Викиликс доби нови информации за изборите во САД

Од:

Основачот на Викиликс, Џулиан Асанж изјави дека неговата организација добила нови информации за изборите во САД, кои ги проверува, за подоцна да бидат публикувани.

– Станува збор за интересни материјали, изјави Асанж во интервјуто за „Њујорк тајмс“.

Според неговите зборови, некои од податоците можно е да се поврзани со фондацијата на семејството Клинтон.

Активностите на оваа добротворна организација, основана од поранешниот американски претседател Бил Клинтон во 2001 година, предизвика остри критики во САД од политичките противници на неговата сопруга Хилари Клинтон, која е претендент за Белата куќа.

Републиканците се сомневаат дека поранешната државна секретарка, вршела услуги на луѓе и земји во замена за средства за фондацијата.

Асанж истакна дека Викиликс располага со информации како за Клинтон, така и за републиканскиот кандидат за претседател Доналд Трамп.

Основачот на Викиликс не го посочи контретниот рок за објавување на материјалите, но истакна дека нивната веродостојност не буди сомнеж.

Во јули Викиликс објави електронска кореспонденција на Националниот комитет на демократите.

Од документите јасно се гледа дека раководството на партијата активно се обидувало да ја поддржи Клинтон на штета на нејзиниот противник на првичните избори Барни Сандерс.

Би можело да ве интересира

Се очекува одлука за евентуално екстрадирање на Асанж во САД

Ана Ололовска

Судското рочиште за екстрадирање на Асанж ќе биде во два дела

Ана Ололовска

Репортери без граници бараат ослободување на Асанж

Татјана Ташкова

Асанж останува во затвор за „повторно да не избега“

Ана Ололовска

Данкан: Асанж нема да биде екстрадиран во земја каде му се заканува смртна казна

Ана Ололовска

ВИДЕО: Викиликс објави снимка за која тврди е доказ за лажното слетување на Месечината

Ана Ололовска