Главната задача на компанијата „Гугл“ е да собира разузнавачки податоци, изјави основачот на организацијата Викиликс, Џулијан Асанж во интервју за телевизијата Би-Би-Си.
– Бизнис моделот на Гугл е да собира разузнавачки податоци. Тоа на компанијата и носи 80 проценти од заработувачката, истакна тој.
Според Асанж Гугл собира информации за граѓаните, кои ги класифицира.
– Потоа изработува досие за граѓаните, со цел да ги предвиди нивните интереси и постапки, а потоа продава информации, во повеќето случаи на маркетинг компании, но и на други, нагласи тој.
Асанж е уверен дека дејноста на компанијата практично се совпаѓа со таа на Агенцијата за национална безбедност и на британското електронско разузнавање „Штаб за врски со Владата“ (GCHQ).
– Гугл располага со сериозна маркетиншка сила. Логото на компанијата не ја буди помислата дека станува збор за голема и лоша американска корпорација, но фактики таа стана токму таква. Денес таа не највлијателна трговска организација во светот, нагласи Асанж.