Аргентинската претседателка Кристина Фернандес де Киршнер која е во центарот на вниманието поради убиството на државниот обвинител Алберт Нисман, кој наводно подготвувал докази против неа поради кои можела да заврши во затвор, повторно ја вознемири јавноста и тоа со шега објавена на „Твитер“.
Имено претседателката се упатила во Кина да присуствува на самит за трговија и на „Твитер“ го исмеала начинот на кој Кинезите зборуваат.
Потоа се обидела да се извлече и напишала коментар во кој се извинува и додала дека нивото на апсурдности и глупости е толку големо што само со хумор може да се „свари“.
Кина се уште не излезе со официјален одговор на овие испади на аргентинската претседателка, кои предизвикаа бурни реакции на интернет, бидејќи многумина сметаа дека е неверојатен нејзиниот недостаток за почитување и мерка, како и дека таквите шеги не се веќе во мода.
Е. Г.