Претседателскиот кандидат Мит Ромни постигна скок на популарноста кај гласачите по конвенцијата на Републиканската партија во Тампа, покажуваат резултатите од анкетата на Ипсос.
Сепак, претседателот демократ Барак Обама ја задржува лидерската позиција со 44 проценти наспроти 43 проценти од гласовите за републиканскиот противкандидат Мит Ромни, покажува истражувањето спроведено на Интернет.
Во петокот Ромни успеа да го премине Обама за еден поент, а во четвртокот за време на конвенцијата која привлече милиони телевизиски гледачи републиканецот имаше два поени предност пред демократот.
Анкетата е спроведена на 1.505 регистрирани гласачи, со статистичка грешка од 2,9 проценти.