Владата на САД размислува да воведе сеопфатни санкции против Северна Кореја со цел да одговори на заканата од нејзината нуклеарна и ракетна програма, изјавил висок претставник на американската администрација.
Целта на репресивните мерки е Северна Кореја да биде отстранета од глобалниот финансиски систем.
Со санкциите ќе се зајакне економскиот и дипломатскиот притисок врз Пјонгјанг. Акцент ќе биде ставен на кинеските банки и компании, кои имаат најсериозни врски со Северна Кореја, како и на зајакнување на одбраната на САД и нивните сојузници Јапонија и Јужна Кореја.