Меѓународните санкции кои би биле воведени од САД ќе доведат Русија да биде „отфрлена“, доколку претседателот Владимир Путин изврши инвазија врз Украина, изјави денска висок американски функционер.
– Тоа би ја направило отфрлена за меѓународната заедница. Ќе стане изолирана од глобалните финансиски пазари и ќе биде лишена од најсофистицираните технолошки иновации, изјави заменик-советникот за национална безбедност во Белата куќа задолжен за меѓународна економија, Далеп Синг.
Тој најави „интензивен одлив на капитал, зголемен притисок врз руската валута, зголемена инфлација, повисоки трошоци за задолжување, економски пад и ерозија на нејзиниот производствен капацитет“.
– САД се „подготвени“ за справување со евентуални последици доколку Русија одлучи да ги користи како „оружје“ своите огромни енергетски резерви како одговор на западните санкции, истакна Синг.
Извор: МИА