Американските власти неодамна беа принудени да го негираат постоењето на сирените, митските суштества – половина девојки, половина риби.
Ова необично соопштение било објавено веднаш по едно ТВ шоу посветоено на овие чудесни суштества и многу од гледачите добиле впечаток дека станува збор за документарен филм.
„Докази за овие морски суштества никогаш не се пронајдени“, се наведува во соопштението, и се додава „сликите и приказните се извлечени од историјата, митологијата и уметноста низ цел свет, од хомеровата „Одисеја“ до усните легенди на австралиските домородци“.
Иако станувало збор за чиста фикција, начинот на кој бил снимен и прикажан овој „документарен“ филм пред гледачите, делувал како образовна програма.
Многумина се јавиле во „Анимал Планет“ да побараат повеќе информации и податоци за суштествата од бајките, така што претпоставените морале во неколку наврати да повторат дека немало научна програма за сирени и дека сето тоа не е вистина.