Соединетите Американски Држави ублажија некои ограничувања за сириската влада за да дозволат, меѓу другото, испорака на хуманитарна помош.
Американското Министерство за финансии донесе одлука да ги укине санкциите на шест месеци за „да го поддржи сирискиот народ додека работи на изградба на посигурна и мирна иднина полна со надеж“.
Во декември, новиот де факто лидер на Сирија, Ахмед ал-Шар, ги предводеше бунтовниците соборувајќи го тогашниот претседател Башар ал Асад по повеќе од две децении на власт, принудувајќи го да побегне во Москва.
Заменик-министерот за финансии на САД, Вали Адејемо, рече дека крајот на „бруталното и репресивно владеење на Ал Асад, поддржано од Русија и Иран“, и обезбеди на Сирија и нејзиниот народ единствена можност за обнова.
„Во овој преоден период, Министерството за финансии ќе продолжи да ја поддржува испораката на хуманитарна помош и одговорно да управува во Сирија. Ова не значи дека санкциите се укинати, но ќе се гарантира дека тие „не се мешаат во активности кои ќе овозможат задоволување на основните човечки потреби, вклучително и обезбедување јавни услуги и испорака на хуманитарна помош“, соопшти Министерството за финансии на САД.