Директорот на Меѓународната агенција за атомска енергија Јукија Амано предупреди денеска дека Северна Кореја во последно време ги унапредила своите нуклеарни капацитети и двојно ги зголемила величината на своите посторојки за збогатување ураниум.
Во интервју за „Волстрит журнал“ тој рече дека ситуацијата е многу лоша и дека Пјонгјанг е во нова фаза.
– Сите показатели укажуваат на фактот дека Северрна Кореја прави напредок како што имаше намера, изјави директорот на ИАЕА.
Вознемиреноста на меѓународната заедница е зголемена поради воените амбиции на Пјонгјанг за нукелеарните проби минатата година, а во почетокот на овој месец испука четири ракети како вежби за напад врз американска воена база во Јапонија.