[staff name=”Eлена Георгиевска” position=”Автор”][/staff]Еден опозициски активист е пронајден претепан и заврзан за дрво во пустината кај Каиро, четири дена откако исчезнал по антивладините протести.
Ибрахим Ханафи, кој е спасен и хоспитализиран, работел во Ослободувачкиот фронт за мирни промени.
Тој собирал докази за насилството на исламистичките политичари, изјавил генералниот координатор на фронтот, Есам ел Шариф.
-Нашите колеги и полицијата го пронајдоа врзан за дрво, гол со закачено писмо со предупредувања, дека секој кој ќе зборува негативно за Муслиманското братство, ќе го снајде истото – изјавил Шариф.
Партијата на Муслиманските браќа дава поддршка на претседателот Мухамед Морсиј, против кој веќе со месеци протестираат опозициските активисти.
Портпаролот на Муслиманските браќа ги отфрли шпекулациите дека партијата е поврзана со инцидентот или била вклучена во кој било друг непристоен случај.