Иранскиот врховен лидер ајатолахот Али Хамнеи денеска го отфрли планот на американскиот претседател Доналд Трамп за раселување на Палестинците од Појасот Газа, велејќи дека тоа „нема да постигне ништо“.
– Идиотските планови на Американците или другите во врска со Газа и Палестина ќе бидат залудни, рече ајатолахот Хамнеи за време на состанокот во Техеран со палестинскиот лидер на исламскиот џихад Зиад Нахал.
Планот на Доналд Трамп предвидува Појасот Газа, разрушениот од војна, да биде ставен под контрола на САД, а неговите 2,4 милиони жители да се преселат во Египет и Јордан.
Планот предизвика бес во меѓународната заедница, со предупредување од ОН за „етничко чистење“ на палестинската територија.
„Ниту еден план не може да се спроведе без договор на движењето на отпорот и народот на Газа“, рече ајатолахот, додавајќи дека светското јавно мислење ги поддржува Палестинците, пренесува Бета-Франс прес.