Иранскиот претседател Махмуд Ахмадинеџад денеска во Багдад изјави дека неговата држава и Ирак имаат „исклучителна“ улога во безбедноста на регионот.
– Ние носиме заедничка порака, а тоа е порака за напредок, стабилност и безбедност, како и порака за мир, истакна Ахмадинеџад на заедничката прес-конференција со шефот на ирачката држава Худаир ал Хузаи. Ахмадинеџад е во дводневна посеа на Ирак и предвидено е да се сретне со премиерот Нури ал Малики.
Ирак и Иран беа во војна од 1980 до 1988 година, но двете држави почнаа да соработуваат по соборувањето на Садам Хусеин во 2003 година.