Швајцарската полиција соопшти дека од безбедносни причини синоќа делумно е затворен аеродромот во Цирих, а медиумите напоменуваат дека се работи за закана од бомба.
-Аеродромот се соочува со опасност. Терминалите за заминување 1 и 2 и терминалот 2 за доаѓање се затворени, а сите летови се одвиваат според предвиденото- изјави за „Франс прес“, Кармен Сурбер, портпарол на полицијата Кантон Цирих, без при тоа да прецизира за каква опасност станува збор.
Локалните медиуми, повикувајќи се на анонимен заканувачки повик, до управата на аеродромот, пренесуваат дека станува збор за узбуна поради бомба.
Е. Г.