Околу 30 милиони долари беа украдени од складиште за готовина во еден од најголемите грабежи во историјата на Лос Анџелес.
Крадците во неделата вечерта го пробиле покривот на објектот низ кој влегле, а грабежот бил откриен ден подоцна кога сефот бил отворен, пренесува Sky News.
Сè уште не е јасно како крадците успеале да не го вклучат алармот во овој објект, во кој, според полицискиот командант Елејн Моралес, се чуваат парите од локалните бизниси во долината Сан Фернандо.