Во следните осум години ќе бидат вложени 200 милијарди долари за модернизација на руските фабрики за оружје. Веќе се градат пет нови ултрасовремени фабрики во кои ќе се произведуваат системи за противракетна одбрана, транспортни авиони и муниција.
До 2020 година руската авијација треба да добие повеќе од 600 авиони и илјада хеликоптери, најави претседателот Владимир Путин, а веќе се реконструирани 28 аеродроми.
„Еден од приоритетите на руската воена индустрија е новиот стратешки бомбардер“, рече Путин.
Некои политичари сметаат дека овие пари треба да се вложат во економијата межутоа Путин нагласи дека неинвестирањето во модернизација на руската армија може земјата да ја стави во инфериорна положба.