Египетски суд прогласи за виновни 43 службеници на невладини организации, меѓу кои и 16 Американци, по обвинение за незаконска дејност на територијата на земјата.
Од 43-та прогласени за виновни, 27 беа осудени во отсуство и добија по пет години затвор. Меѓу останатите 16, петмина добија по две години затвор, а 11 беа осудени на една година условно.
Повеќето од осудените Американци веќе ја напуштиле земјата. Меѓу нив е Сем Лахуд, синот на американскиот министер за транспорт Реј Лахуд. Тој доби пет години затвор.
Пресудата подразбира затворање на канцелариите и имотот на сметките на американските невладини организации, за кои работеле повеќето од осудените – за Националниот демократски институт со седиште во САД, Меѓународниот центар за новинари во Франција, „Фридом хаус“ и германската фондација „Конрад Аденауер“.
Германскиот министер за надворешни работи Гидо Вестервеле изјави дека е „шокиран и зачуден од пресудата“. Меѓу осудените има и двајца Германци.
Процесот започна во февруари 2012, а истрагата во декември 2011 година, кога земјата се уште беше управувана од војската. Тогаш властите ги пребараа канцелариите на вкупно 17 организации во Египет.