ВИДЕО: Тепачка во „КАМ“ маркет, вработен бил нападнат од купувач

Од:

Тепачка избила во „КАМ“ маркет кој се наоѓа во Дебар маало, помеѓу вработен и купувач. На снимката до која дојде „А1он“ се гледа како купувачот му се нафрла на вработениот, а негови колешки, се обидуваат да го оттргнат. Се слуша и звук на силен удар, пискање и извици „Не, не“ . Дел од останатите потрошувачи, панично се повлекуваат подалеку од местото каде се случува инцидентот. Случајот е пријавен и во полиција.

Според пријавата во МВР, касиер бил нападнат бидејќи на купувачот му кажал да стави заштитна маска, како што налагаат и мерките за заштита од ширење на коронавирус. Сѐ се случило во нешто пред 17 часот, а е пријавено, по затворање на маркетот во 22 часот.

„В.П.(22) од Скопје пријавил дека околу 16.50 часот додека ги извршувал своите работни активости како касиер во маркет на подрачјето на Центар влегло маж на возраст од околу 30 години без заштитна маска да пазари и од страна на неговата колешка му било укажано да стави заштитна маска поради запазување на здравствените протоколи. Тогаш лицето станало агресивно и физички ги нападнало“, велат од МВР за „А1он“.

Оттаму посочуваат дека се работи на расчистување на случајот.

Би можело да ве интересира

Кривична пријава против поранешен началник и помошник директор во МВР

А1он

МВР: Кривична за 38-годишен скопјанец кој со нож си ја уби невенчаната сопруга

Горан Наумовски

Кривични пријави против екс вработени во МВР за злоупотреба на службена положба и овластување

А1он

Возел со 2,28 промили алкохол во крвта, бегал од полицијата

Лекари, вработени во клиники, адвокати меѓу осомничените за измамите со парите за туѓа нега и инвалидски пензии

Катерина Ѓуровски

МВР поднесе кривична за директор од Делчево, им дозволил на вработените да возат нерегистрирани возила