Ретко гледаме тренер да заврши на тревата како по нокаут, но токму тоа се случи за време на квалификацискиот натпревар за Светското првенство помеѓу Катар и ОАЕ.
Blauw oog voor Qatar-bondscoach Julen Lopetegui 😵🇶🇦 pic.twitter.com/CJ9n8TEBtQ
— ESPN NL (@ESPNnl) October 14, 2025
Селекторот на Катар, Хулен Лопетеги заврши на земја откако топката го удри силно во глава.
Ова се случи на стадионот „Јасим Бин Хамад“ во Доха, додека шпанскиот тренер мирно стоеше во својот простор покрај аут линијата.
Во еден момент, по жестока борба за топката од надворешната страна, катарскиот играч од средниот ред Асим Мадибо случајно ја шутна топката која заврши право во лицето на Лопетеги.
Тренерот веднаш падна како покосен и остана неподвижен неколку моменти, со лицето надолу на тревата.
Ситуацијата изгледаше сериозна, но помошта пристигна брзо, а Мадибо беше меѓу првите што дотрча кон него.