Легендарниот Роналдињо го одигра својот прв официјален натпревар по 11 години. Бразилецот повторно ја облече „десетката“ и блесна во дресот на италијанскиот третолигаш Равена.
На дербито против Форли, Роналдињо учествуваше во акцијата за водечкиот гол на Равена, кој го постигна Донати. Конечниот резултат го постави Симоне Раби во 58. минута.
🚨 35′ الهدف الأول لرافينا بعد مساهمة من رونالدينيو 🔥🟨🟥 🇮🇹🇧🇷
🟨 رافينا 1-0 فورلي 🟥
⚽ دوناتي 35′#Ravenna 🇮🇹 #RavennaForli 🇮🇹 #Ronaldinho 🇧🇷 #SerieC 🇮🇹 #SerieCSkyWifi 🇮🇹 https://t.co/ItGUm2FJhC
— Arte Del Calcio (@ArteDelCalcio) November 15, 2026
Бразилскиот „волшебник“ беше заменет на почетокот на второто полувреме.
Кон крајот на полувремето, на теренот му се придружија неговите соиграчи од националниот тим, Дида и Сержињо, при што имаше многу насмевки и шеги.
Потоа, Бразилецот отиде на трибината кај домашните навивачи, каде што беше поздравен со овации.
На крајот, и навивачите на противничкиот тим му оддадоа почит.
Равена се бори за пласман во повисок ранг од својата група во Серија Ц – натпреварување кое е географски поделено на три групи. Тимот се наоѓа на второто место на табелата со 32 бода, шест помалку од водечката Специја.
Ова е втор престој на Роналдињо во Италија, иако на значително пониско натпреварувачко ниво. Претходно, од 2008 до 2011 година, тој настапуваше за Милан, со кој ја освои титулата во Серија А.
Во текот на својата богата кариера, тој играше и за Пари Сен Жермен и Барселона, а меѓу неговите најголеми успеси се освојувањето на Светското првенство со Бразил во 2002 година и наградата „Златна топка“ (Ballon d’Or) во 2005 година.
За Барселона постигна 94 гола на 207 натпревари. Во најдобриот период од неговата кариера во каталонскиот клуб, тој играше и заедно со тогаш младата фудбалска ѕвезда Лионел Меси.