(ВИДЕО) Повторно фудбалер на Фиорентина се сруши на терен, играчите панично повикуваа помош

Од:

Страшни сцени на мечот од 26. коло на италијанската Серија А меѓу Верона и Фиорентина. Напаѓачот на Фиорентина, Моис Кин колабираше на тревникот на средината на второто полувреме, а играчите на двата тима веднаш панично почнаа да повикуваат помош.

Лекарскиот тим веднаш влезе на теренот и Кин беше изнесен на носилки.

Засега нема информации за здравствената состојба на Кин.

Причина за падот се сомнева дека е повредата на главата која ја здоби неколку минути претходно.

Од летото 2024 година, Кин е играч на Фиорентина, која за него на Јувентус му плати 13 милиони евра. Тој игра многу добро оваа сезона и има 19 гола и две асистенции во 29 настапи.

Кин е вториот фудбалер на Фиорентина кој се онесвести на еден натпревар оваа сезона.

Имено, на 1 декември минатата година на мечот против Интер колабираше Едуардо Бове.