ВИДЕО: МВР врши мобинг и незаконско прераспределување на полицајците

Портпаролот на Независниот синдикат на полицијата, Дејан Саздов го обвини раководството на Министерството за внатрешни работи дека врши мобинг врз членовите на синдикатот и останати припадници на полицијата. Саздов вели дека станува збор за незаконски распределувања преку кои раководството се пресметува со оние кои се спротиставуваат на незаконското работење.

– Како синдикат сметавме дека власта лекциите за примерно и законито однесување ги научи и навистина ќе се почуствуваат позитивните промени, но од тоа ништо не се случи. Наместо промени, кон синдикатот продолжија притисоците и заканите за преместувања кои голем дел од нашите претставници ги осетија на својот грб, како и притисоци врз највиоските структури на НСП и срамна дискредитација на истите. Се уште се водат неосновани постапки против наши преставници со притисоци од страна на највисоките структури. Исто така и притисоците за отчленување на членови од НСП не престануваат, рече Саздов.

Нашите претставници се соочуваат со невиден мобинг, почнувајќи од незаконски распределувања со кои се ценеше внесување страв преку безмилосен напад на професионалниот интегритет. Се демонстрираше моќ и способност за конструкции и фингирање на лоши слики ставајќи им етикети на професионалците кои ќе се спротистават на незаконското работење, вели Саздов.

Мотивирани од, како што велат неправдата која им е нанесена, членовите на НСП се обратиле до Народниот правобранител, внатрешната контрола на МВР и Комисијата за управна постапка. Сите овие институции утврдиле неправилности во постапката за прераспределување по што Основниот суд 2 на 10 април оваа година донел пресуда со која се поништуваат решенијата на МВР за прераспределување и се бара вработените да бидат вратени на старите позиции.

Како што велат од НСП, оваа одлука на судот се уште не е испочитувана иако раководството на министерството за внатрешни работи имало рок од 8 дена да ја изврши судската одлука.

Од синдикатот бараат премиерот на Република Северна Македонија Зоран Заев да „замете“ и во МВР со цел правдата да биде задоволена а зборот оддржан. Тие исто така се надеваат дека трудовиот инспекторат и Јавното обвинителство ќе се позанимава со овие прераспределување во полицијата.

-Од премиерот бараме по доставување на доказите за незаконското работење на раковдството на МВР, метлата да заигра и правдата да биде задоволена, а дадениот збор одржан. Одговорноста во највисокото раководство мора да ја има. Гласот да допре до сите надлежни институции посебно до Трудовиот инспекторат и Јавното обвинителство, Да се спроведе ревизија и истрага на сите досегашни решенија за прераспределување и унапредување во МВР донесени од страна на актуелното раководство, велат од Независниот синдикат на полицијата.

Би можело да ве интересира

Возач загина во сообраќајка на магистралниот пат Струмица-Радовиш

Спасовски: Криминално и незаконски стекнатиот имот ќе се конфискува, а во МВР има пријави за рекет

Кривична пријава против три лица за злоупотреба на службената должност

Татјана Ташкова

Скопјанец почина од струен удар

Татјана Ташкова

Во Скопје вчера санкционирани 300 возачи

Приведен тетовец, прoнајдено оружје и муниција во неговиот дом