Еден од најдобрите фудбалери во светот, Кристијано Роналдо, вечераше со претседателот на Соединетите Американски Држави, Доналд Трамп, во Белата куќа во Вашингтон.
Кристијано Роналдо беше во САД како официјален член на делегацијата на Саудиска Арабија предводена од принцот Мохамед бин Салман.
Two GOATS.
CR7 x 45/47@Cristiano 🔥 pic.twitter.com/QA4Dw0s1lr
— The White House (@WhiteHouse) November 19, 2025
Кристијано Роналдо беше придружуван од неговата сопруга Џорџина. Доналд Трамп одржа пригоден говор пред своите гости, во кој ги спомена фудбалерот на Ал Наср и португалската репрезентација.
– Мојот син е голем обожавател на Роналдо. Барон имаше можност да го запознае, и поради тоа, сега малку повеќе го почитува својот татко – рече американскиот претседател.
Делегацијата на Саудиска Арабија го објасни доаѓањето во Белата куќа како зајакнување на пријателството со САД, но и промовирање на сопствената земја преку спортот и туризмот, за луѓето да не ги гледаат само како светска нафтена суперсила. Саудијците ја искористија оваа посета за да го промовираат Светското првенство во фудбал, кое ќе го организираат во 2034 година.
По вечерата, Кристијано Роналдо ја искористи можноста да направи селфи, а новинарот Фабрицио Романо ја објави фотографијата на социјалните мрежи, која за кратко време доби милиони прегледи.
🚨🤳🏼 Cristiano Ronaldo’s selfie after visiting president Donald Trump at the White House.@DavidSacks 📸 pic.twitter.com/dnBw0f3Z4B
— Fabrizio Romano (@FabrizioRomano) November 19, 2025
На вечерата беа присутни светски сили како Илон Маск (основач на „SpaceX“) и Тим Кук (извршен директор на Apple).