Градоначалникот на Град Скопје, Петре Шилегов на денешната прес конференција повтори дека во главниот град нема да се градат кампови за мигранти, ниту во Визбегово, ниту на друга локација и дека од ВМРО-ДПМНЕ и медиуми блиски до нив се шират лажни вести дека ќе се градат бегалски кампови поради обвиненијата против поранешните функционери од партијата.
„ДПМНЕ-то „гради“ бегалски кампови бидејќи раководството го губи тлото под нозете во обид да се спасат членовите и поранешните функционери од обвиненијата за кои се товарат. Ботовите од опозицијата ќе бидат се побројни како се шират обвиненијата за криминалите што ги направија изминатите години функционерите од партијата додека беа на власт“, рече Шилегов.
Тој истакна дека во Визбегово е планирано проширување на капацитетите за вдомување на бездомните лица, а не станува збор за камп за мигранти.
Виктор Јованов