Зидан: Јас го избрав тимот и одговорен сум за поразот

Од:

Зинедин Зидан, тренерот на Реал, ја прифати одговорноста за неуспехот на кралскиот клуб на почетокот од Лигата на шампионите и поразот од Шахтјор на домашен терен (2:3).

Шампионот на Украина одигра одлична партија и ги однесе поените од стадионот „Алфредо ди Стефано“, а Зидан по мечот изјави дека самиот тој ја сноси вината.

– Она што се случи ме вознемири. Се работи и за мене, јас сум одговорен. Не ја видов тимската игра што ја посакував, а кога не го гледате крајниот резултат, вие сте виновни. Тие се на терен и им требаат решенија, рече Французинот.

Тој е свесен дека тоа е само почеток на натпреварувањето, но никој не очекуваше пораз во Мадрид.

– Тоа е лош момент за целиот тим. Покажавме борбеност во второто полувреме. Играчите се вознемирени, тие се шампиони, тоа чувство е нормално. На мене е да најдам решенија бидејќи вакви работи не смеат да ни се случуваат, вели тренерот на Реал.

Тој рече дека тимот нема доверба.

– Кога ќе ви постигнат три гола за половина час, по нашата грешка при првиот гол, тоа е доволно тешко. Ни недостасуваше малку од сè, пред се во самодовербата, што е најважно, додаде Зизу.

Би можело да ве интересира

Реал го бојкотира куп финалето со Барса

А1он

Судијата кој ќе суди куп финале Барселона – Реал Мадрид се расплака на прес-конференција

А1он

Анчелоти за неговата иднина во Реал: Сè е можно во фудбалот, ми се допаѓа оваа работа

А1он

Саки: Реал донесе напаѓач кој требаше да биде феномен, но тој тоа не е

А1он

На Анчелоти му пресуди елиминацијата од Арсенал, ја напушта клупата на „кралевите“?

А1он

Килијан Мбапе доби суспензија од еден натпревар поради црвен картон против Алавес