Авионот, наводно на компанијата „Флајдубаи“, се запалил по полетувањето од аеродромот во Катманду во Непал и се обиде да се врати на истиот аеродром.
Ова го соопшти агенцијата АНИ, повикувајќи се на неименувани извори. Според неофицијални информации, во авионот имало 150 патници и членови на екипажот. Наводно, еден од моторите во авионот се запалил веднаш по полетувањето од аеродромот. Авионот бил на пат за Дубаи, но потоа побарал итно враќање на матичниот аеродром. Противпожарните служби беа во подготвеност на аеродромот, изјавија неименувани извори.
#FlyDubai plane flight no. FZ576 caught fire in engine and circled around the sky of Kathmandu just minutes after takeoff. They’re trying to safe-land and as per aviation authority flight has been redirected towards Dhading. Hoping and praying for all passenger and crew’s safety. pic.twitter.com/0NoePsHarm
— Nirwan Luitel (@nirwanluitel) April 24, 2023
Непалскиот министер за туризам изјави дека нема да има итно слетување и дека Боингот 737-8КН го продолжил летот за Дубаи.
„Пилотите го исклучија моторот откако се појави проблемот и оценија дека можат да го продолжат летот без да се вратат на аеродромот во Катманду“, изјави заменик-директорот на Агенцијата за цивилно воздухопловство во Непал. По драмата, пилотите ѝ кажале на контролата на летот дека сите индикатори на авионот се нормални.