На натпреварот во професионалната лига во американски фудбал (НФЛ) меѓу Чикаго Беарс и Њу Орлеанс Сејнтс, дојде до тепачка каква што ретко се гледа на кој било спортски терен.
По една акција, широкиот примач на гостите, Џејвон Вимс, му пријде на домашниот играч, со когошто немаше директен контакт во акцијата, Гарднер-Џонсон, и сосема неочекувано го удри со бокс во главата. Збунетиот Гарднер-Џонсон, заштитен од кацигата, само гледаше кон напаѓачот, кој го повтори ударот, по што настана хаос во кој двете екипи се обидуваа да ги разделат тепачите.
Според снимките од натпреварот, поводот за бруталниот напад биле претходни несогласувања меѓу Гарднер-Џонсон и соиграчите на Вимс. Двајцата играчи се во очекување на казните за инцидентот.