На социјалните мрежи се прошири снимка од апсењето на поранешната НФЛ ѕвезда Тони Ромо, кој минатата недела беше приведен под сомнение дека управувал возило под дејство на алкохол.
Видеото, снимено со полициска камера, покажува дека Ромо имал потешкотии при извршувањето на тестот за трезвеност, по неговото запирање во Милвоки, во американската сојузна држава Висконсин.
Според снимката, до која дојде Page Six, заменик-шериф го запрел поранешниот квотербек на Далас Каубојс поради „небезбедно престигнување“ на автопатот I-43.
Полицајката му соопшти дека е под истрага поради сомнение за возење под дејство на алкохол. Иако Ромо тврдеше дека испил „нула“ алкохолни пијалаци, полицијата наведе дека во неговиот ранец биле пронајдени неколку мали шишиња со жесток алкохол.
Полицајката исто така забележа дека Ромо имал „црвени и заматени очи“, како и мирис на алкохол во здивот, поради што бил однесен во полициска станица за дополнителен тест за трезвеност.
NEW: Bodycam footage of Tony Romo's arrest released, tells police officer that he was on his way to see Grandma and Grandpa.
"Because I’m coming from a golf course, you think I’m drunk?" he asked the female police officer.
Romo was also heard telling officers that he was having… pic.twitter.com/Por3T2kahA
— Collin Rugg (@CollinRugg) July 29, 2026
По пристигнувањето во станицата, Ромо побарал да се истегне пред тестирањето, а потоа се потпрел на едно од полициските возила додека ги изведувал вежбите.
Во еден момент полицаецот го прашал дали ги разбира упатствата, на што Ромо одговорил:
„Не, има премногу.“
И покрај тоа што имал потешкотии да ги следи инструкциите, поранешниот спортист ги прашал полицајците дали го положил тестот.
Кога бил прашан дали ќе се согласи да направи алкотест, Ромо одговорил:
„О, не, тоа нема да го правиме. Од сите адвокати сум слушнал дека никогаш не треба да се согласам на тоа.“
Тој потоа повторно побарал адвокат, додавајќи дека тоа го кажува веќе осми пат, а ги прашал полицајците и дали може да ги повика своите родители.
Од полицијата му објасниле дека ќе побараат судски налог за земање примерок од крв, со цел да се утврди дали во неговиот организам имало алкохол или други супстанции и во каква концентрација.