Трошоците за транспорт и сместување на семејствата кои имаат повредени во трагедијата во Кочани ќе ги плати Владата

Од:

Трошоците за транспорт и сместување на семејствата кои имаат повредени во трагедијата во Кочани, а кои се хоспитализирани во странство, ќе ги покрие Владата. Одлуката, како што изјави попладнево на прес-конференција владината портпаролка, ќе биде донесена на утрешната владина седница.

Граѓаните можат да се обратат на телефонскиот број 070270370 за подетални информации и подобра координација.

– Ги повикуваме сите семејства да ја искористат оваа линија за да можеме ефикасно како Влада да ја организираме поддршката што ним им е најпотребна. Ова е време на солидарност и за акција. Владата останува посветена да стои покрај секое засегнато семејство давајќи не само зборови за поддршка, туку и вистинска опиплива помош во најтешките моменти, рече портпаролката на Владата Марија Митева.

Службата за општи и заеднички работи преку соопштение изрази сочувство до семејствата на настраданите во страотната трагедија во Кочани.

– Овој број е достапен за сите на кои им е потребна поддршка при организирањето транспорт и сместување во насока на обезбедување бесплатна, брза и ефикасна помош. Во овие тешки моменти за семејствата на настраданите, веруваме дека поддршката од овој тип ќе им биде добредојдена како не би се соочувале со дополнителни трошоци и ресурси, наведоа од СОЗР.

Би можело да ве интересира

Протест во Кочани, родителите обвинуваат – „Полицијата не интервенираше навремено“

А1он

Тошковски: Се надеваме дека за краток период ќе ја затвориме истрагата за пожарот во Кочани

А1он

ДУИ: Истрагата за пожарот во Кочани станува пример за правна импровизација

А1он

Протестен марш на семејствата на настраданите во пожарот во Кочани

А1он

Замена на куќниот притвор со мерки за претпазливост за двајцата поранешни директори на ДПИ осомничени за „Пулс“, бара Обвинителството

Катерина Ѓуровски

Седуммина осомничени за пожарот во Кочани од ефективен одат во куќен притвор

А1он