Три милијарди луѓе во светот немаат услови за да мијат раце

Од:

Најновите податоци на УНИЦЕФ покажуваат дека околу три милијарди луѓе или 40 проценти од светската популација немаат услови дома да одржуваат основна хигиена со миење на рацете.

УНИЦЕФ предупреди дека недостапноста до основната хигиена како што е миењето на рацете за милиони луѓе значи зголемен ризик од зараза со коронавирусот и други болести.

Според извештајот на УНИЦЕФ објавен по повод Светскиот ден на миењето на рацете, во најмалку развиените земји, речиси три четвртини од населението не може да ги мие рацете дома.

Околу 43 проценти од училиштата во кои учат 818 милиони ученици немаат можност за миење на раце со вода и сапун, а во најсиромашните земји процентот на училишта без место за миење раце се зголемува на дури 70 проценти, пренесува UN News.

Извршната директорка на УНИЦЕФ за вода и хигиена, Кели Ен Најлор истакна дека пандемијата на коронавирусот укажа на клучната улога на хигиената на рацете во превенцијата на болестите и оцени дека е неприфатливо тоа што најранливите заедници не се во можност да ги користат наједноставните методи за заштита на животот.

Затоа УНИЦЕФ, заедно со Светската здравствена организација (СЗО), ја почна иницијативата „Хигиена на рацете за сите“, со цел да се подобри пристапот до места за миење раце, вода, сапун и средства за дезинфекција во сите средини.

Би можело да ве интересира

Германската полиција уапси Хрват поради дрон над аеродромот

Израелците го послушаа Трамп: Армијата доби наредба за Газа, нападите се запрени

Русите ја погодија полската амбасада во Киев

(ВИДЕО) Голема закана: Повторно дронови над воените бази во Данска

Кошмарно утро во Киев: Русија изврши еден од најголемите напади врз главниот град на Украина

По 10 години, ОН повторно воведе сеопфатни санкции врз Иран