Се полави кочанско училиште, протекол покривот што се реконструира

Од:

Десетина училници и кабинети, помошни простории и холовите на два ката од СОУ „Гошо Викентиев“ се поплавени по протекувањето на кровната конструкција што се реконструира.

dobivaj vesti na viber

По обилните врнежи од дожд и по топењето на снегот, водата се пробила низ бетонските тавански плочи и ги оштетила компјутерите, училишниот инвентар, инсталациите и другата опрема, поради што е исклучена и електричната енергија.

– Поради реконструкцијата на кровот, фирмата изведувач ги отстрани покривните елементи, со што половина од училишната зграда беше целосно откриена и препуштена на временските неприлики. Најголема штета е предизвикана во кабинетите на вториот кат, каде водата сè уште протекува, поради што со сме принудени ја собираме со кофи и канти за да спречиме нејзино пробивање на подолните катови. Ангажиран е целиот технички персонал и имаме непрекинато дежурство, за да спасиме дел од инвентарот и опремата. Засега нема процена на висината на штетата, со оглед што уште ги утврдуваме дефектите, но очигледно е дека ќе биде голема, истакна Спирко Златков, в.д. директор на СОУ „Гошо Викентиев“.

Со оглед што нема услови за физичко присуство, а и заради безбедност на учениците и вработените во средното училиште, наставата се одвива онлајн.

За состојбата е информиран надлежниот инспекторат, кој треба да направи дополнителна процена на штетата и причините поради кои дошло до поплавувањето на училиштето.

Во меѓувреме изведувачот забрзано ги продолжи градежните работи за реконструкција на кровот за да се спречи ново протекување на водата.

Би можело да ве интересира

Нема да се гради никаков објект ниту ќе се узурпира игралиштето тврдат од основното училиште Киро Глигоров

Во поплавите во ЈАР загинаа 395 лица, стравувања дека смртниот биланс ќе расте

А1он

Најмалку 45 жртви во поплавите во Јужна Африка

А1он

Кривична пријава за поранешен директор на училиште, дозволил наставничка да продолжи да предава иако дипломата и била одземена

А1он

Водата се повлекува од поплавеното подрачје во Општина Босилово, се утврдува штетата

Најмалку две лица загинаа во поплавите во Шпанија, повеќе од 50 се евакуирани

А1он