Авионот со кој турскиот претседател Реџеп Таип Ердоган во ноќта на пучот кога се враќаше од одмор, за време на летот бил на мета на два борбени авиони Ф-16.
Но сепак, од авионите не било пукано во авионот на Ердоган и тој продолжил со летот кон Истанбул.
Турскиот лидер се врати во Истанбул од летувалиштето во Мармарис, каде што беше на одмор кога во петокот вечерта се случуваше пучот.
-Авионот на Ердоган беше на нишан на најмалку два воени ловци Ф-16 додека леташе кон Истанбул. Со авионот на Ердоган пак имаше други два ловци Ф-16. Зошто пучистите не пукале, засега е мистерија, изјави поранешен воен офицер запознат со инцидентот.
Турски функционер на повисока позиција за Ројтерс потврди дека два ловци кои биле управувани од пучистите летале во близина на авионот на Ердоган, но сепак тој успешно слетал во Истанбул.
Тој подоцна изјави дека за време на државниот удар имало обид да го нападнат во Мармарис каде го бомбардирале местото, но откако заминал.
Медиумите во Турција објавија дека 25 војници од хеликоптер со помош на јажиња упаднале во хотелот во Мармарис и отвориле оган во намера да го заробат Ердоган, но откако турскиот претседател го напуштил хотелот.
Се тврди дека турскиот премиер се нашол исто на мета на пучистите, и едвај се спасил.