Сообраќајот на граничниот премин Евзони – Богородица е во прекин од 12 часот, соопштија од Авто мото сојуз на Македонија (АМСМ).
Прекинот на сообраќајот се одвива во периодите од 11:00 до 15:00 часот и од 17:00 до 21:00 часот по македонско време, поради блокадите што ги поставуваат грчките земјоделци.
Земјоделците, кои од 1 декември со трактори се стационирани на граничниот премин, и денеска, како и вчера, најавуваат две четиричасовни целосни блокади на границата, при што не е дозволен влез и излез од Грција за патнички и товарни возила.
Од надлежните институции апелираат до граѓаните и превозниците да ја следат состојбата и навремено да го планираат своето патување, користејќи алтернативни гранични премини.