Со триумф на екипата на „Кино Влае“ заврши првиот од предвидените четири квалификациски турнири од второто издание на зимската баскет лига.
Во денешното финале во СРЦ „Кале“, „Кино Влае“ го совладаа тимот на „Баду 3×3“, додека третото место и припадна на екипата на „Црно црвено“.
Вториот квалификациски турнир во рамки на зимската 3×3 баскет лига е предвиден за крајот на јануари идната година.
Секој квалификациски турнир има награден фонд од 200 евра за првопласираната и 100 евра за второпласираната екипа.
Наградниот фонд за финалниот турнир е десеткратно поголем од лани и изнесува 2.000 евра за шампионот, 1.000 евра за второпласираната екипа, како и 500 евра парична награда за третопласираната екипа.