Македонскиот футсал шампион, екипата на Железарец ја забележа прва победа во квалификациската група од футсал купот на УЕФА и сега му преостанува дуелот со Бен Гурион на кој треба да го потврди пласманот во следната фаза.
Железарец вчера беше подобар од Аугур од Естонија со убедливи 4:0.
Вечер од 20 часот играат Аугур и Бен Гурион, а утре Железарец ќе игра со израелскиот шампион.
Оптимистичкото расположение во таборот на македонските шампиони го пренесува капитенот Зоран Левески.
– Веруваме дека ќе славиме и на утрешниот натпревар против Бен Гурион, и како првопласирани во групата ќе продолжиме понатаму, изјави Левески.
Натпреварите се играат во СРЦ „Кале“ во Скопје.