Во СЦ „Борис Трајковски“, денеска со почеток во 12 часот, ќе се одржи завршната манифестација на петмесечниот проект „Традиционални спортски игри (Спортски бон тон)“.
Во проектот беа вклучени шест општини, а се реализира преку спортско-културни манифестации и натпревари со учество на учениците од основните училишта.
Овој проект, кој се одржува трета година по ред, е поддржан од Амбасадата на САД во Република Македонија, а целта е промовирање на спортот како општествена активност преку која со игра, забава и дружење на децата и младите од различна етничка припадност се зацврстуваат меѓуетничките односи во Република Македонија.