На третиот ден од Гренд слем турнирот во Париз Ролан Гарос се случија и првите изненадувања. Настапот во првото коло го завршија Григор Димитров кај мажите и Јуџин Бушар кај жените.
Димитров (10.носител) загуби од Џек Сок со 3:0 во сетови, додека Кристина Младеновиќ беше поуспешна од Бушар со 2:0 во сетови.
Изненадување претставува и поразот на трикратната полуфиналистка на Ролан Гарос, Јелена Јанковиќ од Сесил Каратанчева со 2:0.
Денеска во рамките на второто коло од фаворитите мечеви ќе играат: Марија Шарапова, Симона Халеп, Ана Ивановиќ, Жо – Вилфред Цонга, Кеи Нишикори, Рожер Федерер.