Првите Европски игри ќе започнат во петок во Баку, со церемонијата на свеченото отворање која ќе започне во 18 часот. Македонското знаме на свеченото отворање ќе го носи каратистот Емил Павлов.
На првите Европски игри ќе учествуваат повеќе од шест илјади спортисти од 49 држави, македонската експедиција во Баку брои 43-ца натпреварувачи.
Инаку церемонијата на свеченото отворање е во режија на грчкиот сценарист Димитрис Папајоану, кој работеше и на сценографијата за отворањето на Летните олимписки игри во Атина во 2004 година.