Во понеделник започнува најстариот и најпрестижниот тениски турнир на светот, Вимболдон, каде титулата ја брани Новак Ѓоковиќ.
Вимболдон е третиот Грен Слем во сезоната, по Австралиан Опен и Ролан Гарос, единствем кој се игра на трева, а се одржува шест недели пред првиот понеделник во август.
Трае две недели, а покрај натпревањувањата во поединечна конкуренција, се игра и во двојки.
Најуспешниот тенисер е Американецот Пит Сампрас со седум освоени титули, а Швајцарецот Роџер Федерер има шест. Во 2009-та година последен пат го освои Вимболдон.
Меѓу жените, најуспешна е Мартина Навратилова со 20 титули, од кои девет на Вимболдон.
Оваа година титулата на брани Петра Квитова.
Наградниот фонд годинава изнесува 16.060.000 фунти, односно зголемен е за 10%. За победникот одделени се 1.150.000 фунти, а за финалистите 575.000 фунти.
Вимболдон е турнир кој е познат по строгите правила во облекувањето на тенисерите, јагодите со шлаг кои се наменети за публиката и кралското семејство, како и отсуството на реклами околу теренот.
Централниот терен во 2009-та година доби и движечки покрив, за да нема одолговлекување и прекинување на натпреварите во текот на турнирот.
Првиот шампионат на Вимболдон е одржан 1877. година.