Тимот на МЗТ Скопје вечерва од 19 часот го очекува натпреварот против петкратниот шампион на Јадранската лига. Македонскиот шампион досега покажа дека знае да изненади реномирани екипи на гостински терен, а свесен за тоа е и тренерот на Партизан, Душко Вујошевиќ.
„МЗТ за прв пат учествува во Јадранската лига, но веќе покажаа дека заслужуваат огромен респект особено во последните неколку кола. Ги презеде тренерот Пипан, им се приклучија Бакиќ и Оташевиќ, а со враќањето на Гечевски се навистина добар тим“ – вели Вујошевиќ.
„Сигурен сум дека не очекува многу тежок и значаен натпревар и моите кошаркари се свесни за квалитетот на нашиот противник. За нас е важна секоја победа поради промената на правилата околу пласманот во Евролигата. Поради тоа мораме да размислуваме само на победа во утрешниот натпревар“ – додаде искусниот тренер.