По одличното прво полувреме и неизвесното второ Македонија победи во вториот натпревар од групата Б, против репрезентацијата на Катар.
Големата предност која ја имавме во првото полувреме не беше доволна за сигурна победа. Ракометарите на Катар во вториот дел од натпреварот се доближија на два гола разлика.
Сепак нашите ракометари успеаа да ја задржат предноста и да го добијат натпреварот. Резултатот на крајот беше 34:30 (21:13).
Најефикасен на теренот беше Кире Лазаров, кој постигна девет гола, Дејан Манасков и Наумче Мојсовски постигнаа по пет погодоци, а Ристовски мечот го заврши со 11 одбранети топки.
Наредниот натпребар Македонија го игра во вторник, против репрезентацијата на Исланд.
На првиот денешен дуел од Б групата Исланд го победи Чиле со 38:22.
Вечерва се игра дербито на колото меѓу Русија и Данска.