Ерл Вотсон е нов тренер на НБА екипата Феникс Санс, откако по серијата лоши резултати отказ доби досегашниот тренер Џеф Форначек.
Вотсон досега ја имаше улогата на асистент во стручниот штаб на Хорначек.
Вотсон кариерата како играч (плејмејкер) ја заврши во Портланд, а претходно играше во екипите на Сиетл, Мемфис, Денвер, Индијана и Јута.
Тој е вкупно 17-ти тренер во историјата на екипата на Феникс. Тимот од Аризона се наоѓа на 13-то место во Западната конференција со скор од 14 победи и 35 порази, колку што има и Минесота, а единствено ЛА Лејкерс имаат послаб биланс.
На последните десет натпревари Феникс постигна само една победа. Со тој скор е далеку од пласман во плеј офот.