Шкотскиот тенисер, Енди Мареј стана првиот Британец кој после 77 години го подигна пехарот во Лондон.
Тој по нешто повеќе од три часа игра, без изгубен сет, го победи првиот тенисер на светот Новак Ѓоковиќ. Крајниот резултат е 6:4, 7:5, 6:4.
Во првиот сет Британецот направи еден брејк повеќе од Ѓоковиќ, а решавчкиот момент во сетот беше седмиот гем.
Во вториот сет имаше многу повеќе борба и пресврт. Ѓоковиќ почна добро поведе со 4-1, но потоа Мареј го врати гемот загубен на свој сервис, а потоа и во 11. гем направи нов брејк за водство од 6-5 и сетот го заврши со 7-5.
Најнеизвесно беше во третиот сет. Мареј поведе со 2-0, Србинот со серија од четири гема врати со водство од 4-2, а потоа Мареј при 5-4 на сервис не искористи три меч и турнир топки, за сепак четврата да ја реализира.
Ова беше 19-ти дуел меѓу Новак Ѓоковиќ и Енди Мареј. Резултатот е 11-8 за Србинот. За Мареј ова е втора Грен Слем титула во кариерата.
Последниот Британец на кого му појде од рака да го освои Вимблдон е Фред Пери во 1936-та година.