Американската тенисерка Серена Вилијамс ја победи Агњешка Радванска од Полска со 2:1 (6:1, 5:7, 6:2) во финалето на Вимболдон.
„Не можам да опишам како се чувствувам, за малку не отпаднав, минатата година бев во болница, а сега успеав ова да го направам и сум многу среќна.
– Не ни сонував дека повторно ќе бидам овде, но никогаш не се откажав“, изјави Вилијамс по победата во финалето.
„Беше навистина тешко, Радванска е толку млада, но многу успешна и добра тенисерка“, додаде Американката.
Вилијамс во финалето имаше 58 винери и 36 неизнудени грешки, а тенисерката од Полска имаше 13 директни поени и 14 грешки.
Ова е 14-ти Грен Слем за Серена, 5-ти во Англија, со што се изедначи со постарата сестра Венус по бројот на освоени трофеи на Вимболдон.