Од малкумината полски ракометари кои говорат некој странски јазик, измешано со тагата и незадоволството по мечот, единствено Зиба застана пред ТВ камерите и го искажа своето разочарување.
Тажни, исфрустрирани и пак на чекор до целта, а сепак далеку од неа. Така делуваа Полјаците, кои во второто полувреме не дојдоа до -1, до реми, а камо ли до водство.
„Во право сте, добро почнавме, игравме одлично, но потоа застанавме. Не знам што се случи, но не бевме прави во продолжението и ете загубивме. Судиите? Немам коментар за судењето“, беше краток еден од ретките полски ракометари кои зборуваше за странските новинари, Михаел Зиба.
Како и на Мундијалот во 2007 година во Германија, пак домаќинот застана на патот на Полска на светската круна.
Само што тоа овој пат беше во полуфиналето. За нив добро е што тие се домаќини на наредното еврпопско првенство и барем тогаш не можат да играат против домашната селекција.