Пред почетокот на вториот натпревар од Лига на Шампиони, пред натпреварот помеѓу Галатасарај и Браге, домашните навивачи кои беа во „Турк Телеком Арена“ во Истамбул, направија несекојдневна 3 – де кореографија за да го поддржат својот фаворит.
На северната трибина, која беше во боите на клубот од Истанбул, се издигна коњаник, војник кој во едната рака држи меч, а со себе го носи знамето на Галатасарај.
На јужната трибина навивачите направија карта на Европа и банер на кој пишуваше „Повторно ќе ја освоиме Европа.“
Сепак ако се мисли на „походот“ од 2000 година, кога го освоија Купот на УЕФА, а потоа и Супер Купот, тешко дека тоа ќе се повтори и во Лига на Шампиони, бидејќи гостите од Португалија славеја победа 2:0.