Кошаркарите на Партизан во првенството успеаја да дојдат до првата победа сезонава против Црвена Ѕвезда (77:67) по трите порази по ред, два во АБА-лигата и еден во финалето на Купот на Србија, но мечот ќе биде запаметен по тепачка.
Клучна за немилите сцени на паркетот беше 33. минута, во која Давис Бертанс со лакот во лицето одговори на агресивната одбрана на Бранко Лазиќ, по што настана вистинска мешаница.
Од неа покрај играчите и тренерите, дел беа и некои од навивачите кои се најдоа во првиот ред.
Еден од нив дури, кој потоа беше идентификуван како познат српски новинар, го удри со баскет стратегот на Партизан Душко Вујошевиќ.
Потег за кој Александар Јовановиќ, уредник на порталот „Телеграф“ се правдаше дека на дербито дошол како навивач, а не како новинар.