Фудбалерите на Реал Мадрид го освоија шпанскиот Суперкуп откако на реваншот ја совладаа Барселона со 2:1 и благодарение на голот повеќе на гостински терен го кренаа трофејот, на првиот натпревар беше 3:2 за Барселона.
Игуаин во 10. минута погоди за водство од 1:0 на Кралевите. На 2:0 зголеми Роналдо во 19. минута. Барселона остана со 10 фудбалери на теренот во 28. минута, откако Адриано доби директен црвен картон за старт врз Роналдо.
Но сепак Каталонците ја имаа иницијативата, намалија на 2:1 преку Меси во 45. минута, но не беа моќни да постигнат уште еден гол.
Реал со триумфот во Суперкупот стигна до својот девети трофеј во ова натпреварување, прв по четири години пауза.
Real MAdrid vs Barcelona 1:0 Higuain