Уште една голема ѕвезда на светскиот фудбал остана без шанса да се бори за светската титула. По Нејмар, истото му се случи и на Кристијано Роналдо. Португалија, во саботата, доживеа шокантна елиминација од Мароко во четвртфиналето на Светското првенство во Катар.
Мароканците славеа со голот на Ен Несири во 42.минута и влегоа во историјата како прва африканска селекција, која успеала да се пласира во полуфиналето на еден Мундијал.
Cristiano Ronaldo in tears. Portugal are out. Shock. 🇵🇹💔 #FIFAWorldCup pic.twitter.com/vvfeLik5sn
— Adriano Del Monte (@adriandelmonte) December 10, 2022
Кристијано Роналдо, репрезентативецот на Португалија, најверојатно го одигра последниот натпревар за националниот тим. Против Мароко започна од клупата за резерви, на теренот влезе во 51.минута. Не успеа да направи ништо значајно до крајот на натпреварот.
Елиминацијата тешко му падна на Роналдо, кој повторно не успеа да дојде до единствениот трофеј кој му недостига во кариерата.
Роналдо прв замина од теренот, со солзи во очите мина низ тунелот и замина во соблекувалната.
Извор: Топспорт