Благодарение на првиот хет-трик на Килијан Мбапе по неговото доаѓање минатото лето, Реал Мадрид победи на гостувањето кај Ваљадолид (0:3) во мечот од 21.коло и ја зголеми предноста на врвот во Ла Лига.
Французинот по петтиот погодок во низа го потврди враќањето на најдоброто ниво.
Најпрвин погоди во прекрасна комбинација со Англичанецот Џуд Белингем во 30. минута.
Потоа со одлична завршница го заврши контранападот предводен од Бразилецот Родриго во 57. минута.
На самиот крај реализираше пенал во (90+1’).
Мбапе на тој начин стигна до учинокот од 18 гола сезонава за кралевите, од кои 12 постигна во Ла Лига.
Реал е лидер со 49 бодови, има четири повеќе од второпласираниот Атлетико Мадрид, додека Барселона е трета со 39, но и со натпревар помалку.