Незапаметен инцидент се случи во второто коло на АТП шампионатот во Шарлотсвил, САД. Американскиот тенисер Мајкл Мох дивјачки со рекет ја нападна линиската судијка, при што ја повреди.
Мох губеше со 6:3, 4:1 од Даријан Кинг, а откако направи грешка бесно го тресна рекетот зад себе, каде што се наоѓаше судијката, која е тешко повредена.
Таа од силината на ударот викна и падна на подот, по што и беше укажана лекарска помош. Мох, автоматски е дисквалификуван, а му се заканува и долга суспензија од АТП натпреварите.
Овој инцидент е особено бизарен затоа што Кинг беше суспендиран на сличен начин на истиот турнир пред две години.